நிலா சிநேகம்

மழலை பருவத்தில் அன்னை
அறிமுகம் செய்தாள் உன்னை

நிலா என்று சொல்லி அமுதூட்டினாள்
நம் சிநேகம்  ஆரம்பித்தது அன்று

ஆதவனிடம்  இருந்து  இரவல் வாங்கி
அம்புலி நீ அழகாய் தோன்றினாய் 

தனிமை மறக்க என்னுடன் நடந்தாய்
என்னை மகிழ்விக்க கண்ணாமூச்சி ஆடினாய்

சில நாள் கோபம் கொண்டு
சந்திக்க மறுப்பாய்

சில நாள் மகிழ்ச்சி  கொண்டு
முழு மதியாய் சிரிப்பாய்

இன்றும் அதே சிநேகத்துடன்
என் மகனுடன் நீ... 

-- தானேஷ் அம்மா