படம் பார்த்து கவிதை எழுது

 

கரும்  புகை 

வீட்டின் கூரையிலே 

ஆலையின் குழாயினிலே 

வரும் கரும் புகையே 

வானின் மேகங்களையே 

குறிவைத்து செல்கிறாயே 

மழையை விஷமாக மாற்றுகிறாயே 

உன் விஷத்தை அழிக்க 

மனிதர்கள் போராடினரே 

ஆனால் உன் விஷம் போகவில்லையே 

உன் விஷத்தை அழிக்க 

உன்னை அழித்தால் போதுமே 

நீ அழிந்து விட்டாய் என்றால் 

வானும் நிலமும் பொன் நிறம் ஆகுமே 

-- தானேஷ் அம்மா 

குறிப்பு : தானேஷ் எழுதியது 

படம் பார்த்து கவிதை எழுது

 

அலை கடலே 

அலையே கடலலையே 

ஆரவார  கடற்கரையே 

பொங்கும் கடலே 

போராட்டக் களமே 

அஞ்சோம் நாமே 

அரவணைத்தோம் சேர்ந்தே 

வெல்வோம் ஒன்றிணைந்தே 

வெற்றி எமதே 

-- தானேஷ் அம்மா 

கொடியது எது?

உருகும் தருணங்கள்

நிலா சிநேகம்

மழலை பருவத்தில் அன்னை
அறிமுகம் செய்தாள் உன்னை

நிலா என்று சொல்லி அமுதூட்டினாள்
நம் சிநேகம்  ஆரம்பித்தது அன்று

ஆதவனிடம்  இருந்து  இரவல் வாங்கி
அம்புலி நீ அழகாய் தோன்றினாய் 

தனிமை மறக்க என்னுடன் நடந்தாய்
என்னை மகிழ்விக்க கண்ணாமூச்சி ஆடினாய்

சில நாள் கோபம் கொண்டு
சந்திக்க மறுப்பாய்

சில நாள் மகிழ்ச்சி  கொண்டு
முழு மதியாய் சிரிப்பாய்

இன்றும் அதே சிநேகத்துடன்
என் மகனுடன் நீ... 

-- தானேஷ் அம்மா 

காதல் - சுவை

காதல் - சுவை  

கண்டதும் உவர்ப்பு
கனிந்ததும் இனிப்பு
ஊடலில் கார்ப்பு 
பழகியதும் புளிப்பு
வேற்றுமையில் துவர்ப்பு
தோல்வியில் கசப்பு 


-- தானேஷ் அம்மா

வெண் குடை

மழை நீர் துளிகள் கண்டதும்
      நீ உயிர்த்தாய்
உன் அழகு தோற்றம் கண்டதும்
      நான் சிலிர்த்தேன்

-- தானேஷ் அம்மா

சூரியக் காதல்

நிலா பெண்ணிற்கு
சூரியன் மேல் காதல்..

வெப்பத்தின் இருப்பிடம் கதிரவன்
குளிர்ச்சி தருவது நிலா...

இருவரும் நேர் மாறானவர்கள்
ஆனால் காதலுக்கு தான் கண் இல்லியே...

எதிர் துருவ காந்த அலைகள் போல
இவ்விருவரும் காதலால் ஈர்க்கப்பட..

நிலா சூரியனை சந்திக்க
சூரியக்காதல் சூரிய கிரகணம் ஆனது..

--சென்ற மாதம் வந்த சூரிய கிரகணம் தந்த பாதிப்பால் விளைந்தது இது.